Thursday, October 16, 2008

About us I ប្រវត្តិសង្ខេប


ប្រវត្តិសង្ខេបពុទ្ធិកសមាគមខ្មែរនៅប្រទេសកូរ៉េ

ពុទ្ធិកសមាគមខ្មែរនៅប្រទេសកូរ៉េ គឺជាសមាគមក្រៅរដ្ឋាភិបាលដែល មិនពាក់ព័ន្ធជាមួយនយោបាយ ព្រមទាំង​មិនប្រកាន់ពូជសាសន៍ ភេទ និងជំនឿសាសនា។ សមាគមនេះបង្កើតឡើងនៅថ្ងៃទី​ ២៥ ខែឧសភា ឆ្នាំ ២០០៨ ​ដោយសុឆន្ទៈ​របស់ព្រះសង្ឃ ពលករ ពលការិនី សិស្ស និងនិស្សិតខ្មែរដែលកំពុងបំពេញការងារ ឬសិក្សារៀនសូត្រ នៅក្នុង ប្រទេសកូរ៉េខាងត្បូង។

បេសកកម្ម

ពុទ្ធិកសមាគមខ្មែរនៅប្រទេសកូរ៉េ មានបេសកកម្មជួយលើកស្ទួយ សេចក្តីសុខ សន្តិភាព សាមគ្គីភាពរវាងខ្មែរ និងខ្មែរដែលកំពុងរស់ នៅសាធារណរដ្ឋកូរ៉េ តាមរយៈការថែរក្សាវប្បធម៌ ប្រពៃណី និង ព្រះពុទ្ធសាសនាខ្មែរ។

គោលបំណង

១. ស្វែងរកកន្លែងសំរាប់ប្រារព្ធពិធីបុណ្យប្រពៃណីខ្មែរ និងកន្លែងជួប ជុំគ្នាសំរាប់ប្រជាពលរដ្ឋខ្មែរដែលកំពុងស្នាក់នៅក្នុងប្រទេសកូរ៉េ។

២. ផ្តល់នូវសេវាកម្មបណ្តុះបណ្តាលភាសាកូរ៉េ​ និងកម្មវិធីអប់រំវប្បធម៌ សាសនា ទំនៀមទំលាប់ ប្រពៃណីខ្មែរដល់សមាជិកសមាជិកា ទាំងអស់។

៣. ផ្សព្ធផ្សាយនូវវប្បធម៌សាសនាទំនៀមទំលាប់ប្រពៃណីខ្មែរដល់ ប្រជាជនទាំងអស់នៅលើពិភពលោក ជាពិសេសប្រជាជនកូរ៉េ។

៤. ជួយឧបត្ថម្ភគាំទ្រជាថវិកា ឬជាសេវាកម្មផ្សេងៗដល់ទុរគតជន ក្រីក្រ និងកុមារកំព្រានៅប្រទេសកម្ពុជា។

1 comment:

Wat Ambavanaram (Kraya) said...

ខ្ញុំព្រះករុណាអាត្មាភាពសែនសប្បាយចិត្តនៅពេល បានឃើញសកម្មភាពរបស់កូនខ្មែរនៅទឹកបរទេស។​ ខ្ញុំព្រះករុណាអាត្មាភាពភិក្ខុបញ្ញាវរោ ស៊ុយ សុវណ្ណ សូមធ្វើនូវគារវភក្តីភាពដល់​ព្រះករុណា និងបងប្អូន ប្រុសស្រីទាំងអស់ដោយសោមនស្សរីករាយពីចម្ងាយ។ សូមព្រះករុណា និងបងប្អូនជូបតែនឹងសេចក្តី​ សុខ​ចម្រើនគ្រប់ពេលវេលា។