ព្រះសារីរិកធាតុត្រូវបានដង្ហែពីប្រទេសស្រីលង្កាមកកាន់វត្តមួយនៅអាមេរិក
ដោយ កេសរណ្ណីយ្យា
2009-08-09
ព្រះភិក្ខុធម្មត្ថេរោ ជុំ វិចិត្រ ជំនួយការពិសេសរបស់ព្រះចៅអធិការ ញាណសារោ ម៉ឹង សាង នៃវត្តមុនីសូតារាម ក្នុងរដ្ឋមិនីសុតា សហរដ្ឋអាមេរិក ឲ្យដឹងថា ប្រតិភូប្រជាពុទ្ធបរិស័ទដឹកនាំដោយព្រះគ្រូ ម៉ឹង សាង ឥទ្ធិមុនី រាជាគណៈថ្នាក់កិត្តិយស នឹងដង្ហែព្រះសារីរិកធាតុព្រះសក្យមុនីគោត្តមពីប្រទេសស្រីលង្កា មកដល់អាកាសយានដ្ឋានអន្តរជាតិនៃទីក្រុងភ្លោះ មីនាអាប៉ូលីស-សេនផល រដ្ឋមុនីសូតា នាប៉ុន្មានម៉ោងខាងមុខនេះ ដែលត្រូវនឹងម៉ោង ១០កន្លះយប់ ថ្ងៃអាទិត្យនេះ ម៉ោងនៅកម្ពុជា។
ព្រះភិក្ខុធម្មត្ថេរោ ជុំ វិចិត្រ បន្តថា ក្នុងទស្សនកិច្ចរបស់ព្រះអង្គ ក្នុងប្រទេសស្រីលង្កា រយៈពេលមួយសប្តាហ៍មកនេះ ព្រះគ្រូចៅអធិការ ញាណសារោ ម៉ឹង សាង មានក្តីរំភើបយ៉ាងខ្លាំងចំពោះការយកព្រះទ័យនិងការយកចិត្តទុកដាក់របស់ប្រជាពុទ្ធបរិស័ទទាំងព្រះសង្ឃនិងគ្រហស្ថក្នុងប្រទេសស្រីលង្កា ដែលបានប្រារព្ធពិធីប្រគល់ព្រះសារីរិកធាតុជាផ្លូវការយ៉ាងអ៊ឹកធឹក ដល់គណៈប្រតិភូពុទ្ធបរិស័ទខ្មែរពីសហរដ្ឋអាមេរិក យ៉ាងមិននឹកស្មានដល់។
ព្រះភិក្ខុធម្មត្ថេរោ ជុំ វិចិត្រ មានពុទ្ធដីកាយ៉ាងដូច្នេះ ៖ «មន្រ្តីសង្ឃ និងគណៈកម្មការខាងគ្រប់គ្រងនិងថែរក្សាព្រះសារីរិកធាតុហ្នឹង គេបានរៀបចំធ្វើបុណ្យប្រគល់ព្រះសារីរិកធាតុហ្នឹងដល់គណៈប្រតិភូមានព្រះគ្រូចៅអធិការជាអធិបតីហ្នឹង ហើយគេរៀបចំហ្នឹងមានពិធីដង្ហែ មានស្លៀកសពាក់ស ពុទ្ធបរិស័ទគេហ្នឹង ៤០០-៥០០នាក់ដែរ។ ពុទ្ធបរិស័ទគេមានចូលរួមច្រើន ប៉ុន្តែពេលវេលាម៉ោងដង្ហែហ្នឹងប្រហែលជា ៤០០-៥០០នាក់ ព្រោះអីរៀបចំដង្ហែតាំងពីខ្លោងទ្វារវត្ត រហូតទៅដល់ទីកន្លែងដែលតម្កល់ព្រះសារីរិកធាតុនៅស្រីលង្កា។ ហើយពិធីហ្នឹងយើងអត់បានដឹងមុនទេ លោកភ្ញាក់ ហើយរំភើបរីករាយមែនទែន ដូចថាគេធ្វើបុណ្យអធិកអធម មិនខុសពីយើងរៀបចំនៅខាងនេះទេ»។
ព្រះភិក្ខុធម្មត្ថេរោ ជុំ វិចិត្រ ឲ្យដឹងថា ការយាងមកដល់ប្រទេសអាមេរិកនៃព្រះអដ្ឋិធាតុរបស់ព្រះសក្យមុនីគោត្តម នឹងត្រូវទទួលគារវកិច្ច ដល់អាកាសយានដ្ឋាននៃសហគមន៍អ្នកកាន់ពុទ្ធសាសនាអន្តរជាតិច្រើនក្រុម ដើម្បីយាងព្រះអដ្ឋិធាតុទៅគង់ក្នុងមហាវត្តខ្មែរមិនីសូតារាម ជាបណ្តោះអាសន្នមុនការកសាងរួចស្រេចបាច់នៃសំណង់ព្រះសក្យមុនីចេតិយ។
ព្រះអង្គឲ្យដឹងទៀតថា សហគមន៍ប្រជាពុទ្ធបរិស័ទអន្តរជាតិនៃរដ្ឋមិនីសូតា នឹងប្រារព្ធពិធីដ៏ឱឡារិករយៈពេលបីថ្ងៃ ដែលនឹងចាប់ផ្តើមពីថ្ងៃសុក្រ ទី១៤ រហូតដល់ថ្ងៃអាទិត្យ ទី១៦ ខែសីហា ចុងសប្តាហ៍នេះ។ ព្រះអង្គបញ្ជាក់ថា ការប្រារព្ធពិធីនេះ មានបំណងធំៗបី គឺដើម្បីបញ្ចុះបឋមសិលាកសាងព្រះសក្យមុនីចេតិយ តម្កល់ព្រះសារីរិកធាតុ ផង ជាការប្រារព្ធខួបឆ្នាំទី២១ នៃកំណើតវត្តមិនីសូតារាម នេះផង ព្រមទាំងដើម្បីប្រារព្ធពិធីបុណ្យផ្កា អង្គៀសប្រាក់កសាងព្រះសក្យមុនីចេតិយយកតាមលំនាំនៃព្រះសក្យមុនីចេតិយ ដែលទើបនឹងបានសាងឡើងនៅលើកំពូលភ្នំអតីតរាជធានីឧដុង្គផង ដែលគេរំពឹងថា នឹងត្រូវចំណាយប្រាក់ប្រមាណមួយលានដុល្លារអាមេរិកនោះ៕
ដោយ កេសរណ្ណីយ្យា
2009-08-09
ព្រះភិក្ខុធម្មត្ថេរោ ជុំ វិចិត្រ ជំនួយការពិសេសរបស់ព្រះចៅអធិការ ញាណសារោ ម៉ឹង សាង នៃវត្តមុនីសូតារាម ក្នុងរដ្ឋមិនីសុតា សហរដ្ឋអាមេរិក ឲ្យដឹងថា ប្រតិភូប្រជាពុទ្ធបរិស័ទដឹកនាំដោយព្រះគ្រូ ម៉ឹង សាង ឥទ្ធិមុនី រាជាគណៈថ្នាក់កិត្តិយស នឹងដង្ហែព្រះសារីរិកធាតុព្រះសក្យមុនីគោត្តមពីប្រទេសស្រីលង្កា មកដល់អាកាសយានដ្ឋានអន្តរជាតិនៃទីក្រុងភ្លោះ មីនាអាប៉ូលីស-សេនផល រដ្ឋមុនីសូតា នាប៉ុន្មានម៉ោងខាងមុខនេះ ដែលត្រូវនឹងម៉ោង ១០កន្លះយប់ ថ្ងៃអាទិត្យនេះ ម៉ោងនៅកម្ពុជា។
ព្រះភិក្ខុធម្មត្ថេរោ ជុំ វិចិត្រ បន្តថា ក្នុងទស្សនកិច្ចរបស់ព្រះអង្គ ក្នុងប្រទេសស្រីលង្កា រយៈពេលមួយសប្តាហ៍មកនេះ ព្រះគ្រូចៅអធិការ ញាណសារោ ម៉ឹង សាង មានក្តីរំភើបយ៉ាងខ្លាំងចំពោះការយកព្រះទ័យនិងការយកចិត្តទុកដាក់របស់ប្រជាពុទ្ធបរិស័ទទាំងព្រះសង្ឃនិងគ្រហស្ថក្នុងប្រទេសស្រីលង្កា ដែលបានប្រារព្ធពិធីប្រគល់ព្រះសារីរិកធាតុជាផ្លូវការយ៉ាងអ៊ឹកធឹក ដល់គណៈប្រតិភូពុទ្ធបរិស័ទខ្មែរពីសហរដ្ឋអាមេរិក យ៉ាងមិននឹកស្មានដល់។
ព្រះភិក្ខុធម្មត្ថេរោ ជុំ វិចិត្រ មានពុទ្ធដីកាយ៉ាងដូច្នេះ ៖ «មន្រ្តីសង្ឃ និងគណៈកម្មការខាងគ្រប់គ្រងនិងថែរក្សាព្រះសារីរិកធាតុហ្នឹង គេបានរៀបចំធ្វើបុណ្យប្រគល់ព្រះសារីរិកធាតុហ្នឹងដល់គណៈប្រតិភូមានព្រះគ្រូចៅអធិការជាអធិបតីហ្នឹង ហើយគេរៀបចំហ្នឹងមានពិធីដង្ហែ មានស្លៀកសពាក់ស ពុទ្ធបរិស័ទគេហ្នឹង ៤០០-៥០០នាក់ដែរ។ ពុទ្ធបរិស័ទគេមានចូលរួមច្រើន ប៉ុន្តែពេលវេលាម៉ោងដង្ហែហ្នឹងប្រហែលជា ៤០០-៥០០នាក់ ព្រោះអីរៀបចំដង្ហែតាំងពីខ្លោងទ្វារវត្ត រហូតទៅដល់ទីកន្លែងដែលតម្កល់ព្រះសារីរិកធាតុនៅស្រីលង្កា។ ហើយពិធីហ្នឹងយើងអត់បានដឹងមុនទេ លោកភ្ញាក់ ហើយរំភើបរីករាយមែនទែន ដូចថាគេធ្វើបុណ្យអធិកអធម មិនខុសពីយើងរៀបចំនៅខាងនេះទេ»។
ព្រះភិក្ខុធម្មត្ថេរោ ជុំ វិចិត្រ ឲ្យដឹងថា ការយាងមកដល់ប្រទេសអាមេរិកនៃព្រះអដ្ឋិធាតុរបស់ព្រះសក្យមុនីគោត្តម នឹងត្រូវទទួលគារវកិច្ច ដល់អាកាសយានដ្ឋាននៃសហគមន៍អ្នកកាន់ពុទ្ធសាសនាអន្តរជាតិច្រើនក្រុម ដើម្បីយាងព្រះអដ្ឋិធាតុទៅគង់ក្នុងមហាវត្តខ្មែរមិនីសូតារាម ជាបណ្តោះអាសន្នមុនការកសាងរួចស្រេចបាច់នៃសំណង់ព្រះសក្យមុនីចេតិយ។
ព្រះអង្គឲ្យដឹងទៀតថា សហគមន៍ប្រជាពុទ្ធបរិស័ទអន្តរជាតិនៃរដ្ឋមិនីសូតា នឹងប្រារព្ធពិធីដ៏ឱឡារិករយៈពេលបីថ្ងៃ ដែលនឹងចាប់ផ្តើមពីថ្ងៃសុក្រ ទី១៤ រហូតដល់ថ្ងៃអាទិត្យ ទី១៦ ខែសីហា ចុងសប្តាហ៍នេះ។ ព្រះអង្គបញ្ជាក់ថា ការប្រារព្ធពិធីនេះ មានបំណងធំៗបី គឺដើម្បីបញ្ចុះបឋមសិលាកសាងព្រះសក្យមុនីចេតិយ តម្កល់ព្រះសារីរិកធាតុ ផង ជាការប្រារព្ធខួបឆ្នាំទី២១ នៃកំណើតវត្តមិនីសូតារាម នេះផង ព្រមទាំងដើម្បីប្រារព្ធពិធីបុណ្យផ្កា អង្គៀសប្រាក់កសាងព្រះសក្យមុនីចេតិយយកតាមលំនាំនៃព្រះសក្យមុនីចេតិយ ដែលទើបនឹងបានសាងឡើងនៅលើកំពូលភ្នំអតីតរាជធានីឧដុង្គផង ដែលគេរំពឹងថា នឹងត្រូវចំណាយប្រាក់ប្រមាណមួយលានដុល្លារអាមេរិកនោះ៕
No comments:
Post a Comment