ការរៀបចំរបស់គណៈកម្មការ ពិធីបុណ្យសាសនាដ៏ធំមួយដែលមានឈ្មោះថាលំអានអរិយធម៌និងទស្សនីយភាព
រាជធានីភ្នំពេញ ៖ ព្រះរាជាណាចក្រកម្ពុជា គ្រោងធ្វើជាម្ចាស់ផ្ទះក្នុងការរៀបចំ ពិធីបុណ្យសាសនាដ៏ធំមួយ ដែលមានឈ្មោះ ថាលំអានអរិយធម៌និងទស្សនីយភាពរយៈ ពេល៣ថ្ងៃ គឺនៅថ្ងៃទី២៧-២៨ និងទី២៩ មេសា ឆ្នាំ២០១០ នៅខេត្ដសៀមរាប ដោយ មានការអញ្ជើញចូលរួមពីបណ្ដាប្រទេសនានា ដែលកាន់សាសនាព្រះពុទ្ធនៅលើពិភពលោក ។ព្រឹត្ដិការណ៍ដ៏ធំ និងមិនធ្លាប់មាននេះស្ថិត ក្រោមការរៀបចំរបស់គណៈកម្មការរៀបចំ លំអានអរិយធម៌ និងទស្សនីយភាពដែលមានសម្ដេចចៅហ្វាវាំង គង់ សំអុល ឧប នាយករដ្ឋមន្ដ្រី រដ្ឋមន្ដ្រីក្រសួងព្រះបរមរាជ វាំង និងជាប្រធានគណៈកម្មាធិការជាតិរៀប ចំបុណ្យជាតិ-អន្ដរជាតិ ជាប្រធាន ។ លោក ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួង ការពារជាតិ ជាអនុប្រធាន លោកថោង ខុន រដ្ឋមន្ដ្រីក្រសួងទេសចរណ៍ ជាអនុប្រធានអចិ ន្ដ្រៃយ៍ លោកហ៊ឹម ឆែម រដ្ឋមន្ដ្រីក្រសួងវប្ប ធម៌ និងវិចិត្រសិល្បៈ ជាអនុប្រធាន លោក មិន ឃិន រដ្ឋមន្ដ្រីក្រសួងធម្មការ និងសាសនា ជាអនុប្រធាន លោកនាយឧត្ដមសេនីយ៍ នេត សាវឿន អគ្គស្នងការនគរបាលជាតិ ជាអនុប្រធាន ។នៅក្នុងរចនាសម្ព័ន្ធរបស់គណៈកម្ម ការខាងលើនេះ មានលេខាធិការដ្ឋាន ដែល មានសមាជិកចំនួន១៧រូប ក្នុងនោះមាន លោកជា គាន អនុប្រធាន និងជាអគ្គលេខា ធិការរងទី១នៃគណៈកម្មាធិការជាតិរៀបចំបុណ្យជាតិ-អន្ដរជាតិ ជាប្រធាន ។នៅមានការបែងចែកការងារទៅតាម អនុគណៈកម្មការចំនួន៨ទៀតគឺ
ទី១-អនុ គណៈកម្មការរៀបចំសិក្ខាសាលាការពារបេតិកភណ្ឌភិភពវប្បធម៌ និងអភិវឌ្ឍន៍ទេសចរណ៍ មានសមាជិកចំនួន១៨រូប ក្នុងនោះ មានលោកសំ ព្រហ្មនា រដ្ឋលេខាធិការក្រសួង ទេសចរណ៍ ជាប្រធាន ។ ទី២-អនុគណៈ កម្មការប្រតិបត្ដិពីធីលំអានអរិយធម៌ មាន សមាជិកចំនួន២០រូប ក្នុងនោះលោករស់រ៉េន រដ្ឋលេខាធិការក្រសួងទេសចរណ៍ជាប្រធាន ។ ទី៣-អនុគណៈកម្មការប្រតិបត្ដិ លំអានព្រះពុទ្ធសាសនា មានសមាជិកចំនួន ២៤រូប មានលោកមិន ឃិន រដ្ឋមន្ដ្រីក្រសួង ធម្មការ និងសាសនា ជាប្រធាន សម្ដេចព្រះ មហាសុមេធាធិបតី នន្ទ ង៉ែត សម្ដេចព្រះ សង្ឃនាយកជាប្រធានកិត្ដិយស ។ ទី៤-អនុ គណៈកម្មការលំអានប្រតិបត្ដិទស្សនីយភាព សិល្បៈ មានសមាជិកចំនួន១៥រូប ក្នុងនោះ លោកហ៊ឹម ឆែម រដ្ឋមន្ដ្រីក្រសួងវប្បធម៌ និង វិចិត្រសិល្បៈ ជាប្រធាន ។ ទី៥-អនុគណៈ កម្មការឃោសនាផ្សព្វផ្សាយ និងពិព័រណ៍ ផលិតផលកសិកម្ម និងសិប្បកម្ម មានសមា ជិកចំនួន១៧រូប មានលោកសូ ម៉ារ៉ា រដ្ឋលេខា ធិការក្រសួងទេសចរណ៍ ជាប្រធាន ។ ទី៦- អនុគណៈកម្មការសន្ដិសុខ សុវត្ថិភាពសាធា រណៈ និងសុខុមាលភាព មានសមាជិកចំនួន ១៥រូប ដែលមានលោកនាយឧត្ដមសេនីយ៍ នេត សាវឿន អគ្គស្នងការនគរបាលជាតិ ជា ប្រធាន ។ ទី៧-អនុគណៈកម្មការពិធីការ និង បដិសណ្ឋារកិច្ច ក្នុងពិធីបុណ្យ មានសមាជិក ចំនួន១៦រូប មានលោកជា សុខុម អនុប្រធាន អចិន្ដ្រៃយ៍ និងជាអគ្គលេខាធិការគណៈកម្មា ធិការជាតិរៀបចំបុណ្យជាតិ-អន្ដរជាតិ ជា ប្រធាន ។ ទី៨-អនុគណៈកម្មការហិរញវត្ថុ មានសមាជិកចំនួន១២រូប មានលោកប៊ុន សម រដ្ឋលេខាធិការក្រសួងសេដ្ឋកិច្ច និង ហិរញវត្ថុ ជាប្រធាន ។
គណៈកម្មការរៀបចំលំអានអរិយធម៌ និងទស្សនីយភាពខាងលើនេះ បានធ្វើការ ប្រជុំចំនួន៣លើករួចមកហើយ ដើម្បីជជែក ពិភាក្សាអំពីការរៀបចំំ ក៏ដូចជាបែងចែកការ ងារទៅតាមតួនាទីរបស់អនុគណៈកម្មការ នីមួយៗ ។ ជាក់ស្ដែង កាលពីថ្ងៃទី១១ កុម្ភៈ កន្លងទៅនេះ នៅទីស្ដីការក្រសួងទេសចរណ៍ មានការប្រជុំការងារនេះ ក្រោមអធិបតីភាព សម្ដេចចៅហ្វាវាំង គង់ សំអុល និងមានការ ចូលរួមពីសមាជិករបស់គណៈកម្មការយ៉ាង ច្រើនកុះករ ។ អង្គប្រជុំបានឯកភាពអំពីនិមិត្ដ សញាសំរាប់ប្រើប្រាស់ក្នុងពិធីបុណ្យ ដោយ កំណត់យករូបកងចក្រ៨កាំ តំណាងអដ្ឋង្គិក មគទាំង៨នៅផ្នែកកណ្ដាលមានផ្កាឈូករីក៧ ទ្រពីខាងក្រោម តំណាងពេលព្រះពុទ្ធទ្រង់ ប្រសូត ។ ជាមួយនេះ បានឯកភាពអំពីរូប ភាពស្ដង់រោងបុណ្យទាំង៨ទិស ដោយកំណត់ យករូបភាពដែលមានជហ្វាដងក្ការ បែប រចនាប័ទ្មខ្មែរដូចគ្នាទាំង៨ទិស ក្នុងកំរិតខ្នាត អន្ដរជាតិ ។អង្គប្រជុំដែលបានដំណើរការតាំងពីម៉ោង២រសៀល រហូតដល់ម៉ោង៧យប់ មិនទាន់ បានសំរេចការងារជាគោលការណ៍អស់នៅ ឡើយទេ ។ នៅមានបញ្ហាជាច្រើនទៀតដែល ត្រូវដោះស្រាយ ដូចជាបញ្ហាអគ្គិសនី ការធ្វើ ការផ្សាយបន្ដផ្ទាល់តាមទូរទស្សន៍ជាតិ នៅ មានជួបការលំបាក និងបញ្ហាផ្សេងៗជាច្រើន ទៀតដែលអង្គប្រជុំគ្រោងបើកការប្រជុំនៅ ថ្ងៃទី១៧ កុម្ភៈ ខាងមុខនេះទៀត ដើម្បី បញ្ចប់បញ្ហាប្រឈមនានា។(ដកស្រង់ពីកោះសន្តិភាព)
No comments:
Post a Comment