មជ្ឈមណ្ឌលព្រះពុទ្ធសាសនាខ្មែរ: មរតកសិល្បៈខ្មែរនៅសារមន្ទីរហ្គីមេ ទីក្រុងប៉ារីស ប្រទេសបារាំង (ភាគ១)

Tuesday, March 30, 2010

មរតកសិល្បៈខ្មែរនៅសារមន្ទីរហ្គីមេ ទីក្រុងប៉ារីស ប្រទេសបារាំង (ភាគ១)

សេចក្ដីផ្ដើម

សារមន្ទីរហ្គីមេ នៅទីក្រុងប៉ារីស គឺជាសារមន្ទីរមួយដ៏សំខាន់ជាងគេរបស់ប្រទេសបារាំងនៅទ្វីបអឺរ៉ុប ដែលមានដំកល់នូវមរតកសិល្បៈនៃប្រទេសនានា នៅប៉ែកអាស៊ីអាគ្នេយ៍ ជាពិសេសវត្ថុសិល្បៈបុរាណរបស់ប្រជាជនខ្មែរយើងគ្រប់សម័យកាល ។
ក្រៅពីព្រះរាជណាចក្រកម្ពុជា និងថៃបច្ចុប្បន្ន គឺនៅទីនេះហើយដែលផ្ទុកនូវវត្ថុបុរាណខ្មែរច្រើនជាងគេ ល្អជាងគេ ហើយសំខាន់ជាងគេបំផុត នៅលើពិភពលោក ។

មរតកវប្បធម៌រូបិយ៍ទាំងនោះ ដែលជាស្នាដៃឯករបស់ដូនតាខ្មែរបានមក ដោយមានប្រភព ៤ គឺទី១. ការដឹកជញ្ជូនតាមកាប៉ាល់ទឹកចេញពីមាតុភូមិខ្មែរ នៅសម័យអាណានិគមបារាំង ទី២. ការដឹកជញ្ជូនចេញពីប្រទេសវៀតណាមខាងត្បូង ថៃ (សៀម) និងលាវ ភាគមួយនៃទឹកដីខ្មែរបុរាណក្នុងសម័យខាងលើនេះ ទី៣. តាមរយៈការទិញតាមទីផ្សារនានា និងទី៤. តាមរយៈអំណោយផ្សេងៗ ។

វត្ថុបំណងរបស់យើងនៅទីនេះ គឺការផ្តល់នូវវិសាលភាពនៃព័ត៌មានពាក់ព័ន្ធទៅនឹងវិស័យសិល្បះ ស្ថាបត្យកម្មបុរាណខ្មែរ ជូនចំពោះជនរួមជាតិ ទោះបីនៅមានកង្វះខាតយ៉ាងណាក៏ដោយ ដើម្បីពង្រីកការចេះដឹងទូទៅ ឬក៏គ្រាន់តែជាព័ត៌មានសម្រាប់និស្សិត ប្រយោជន៍នឹងជំរុញការលើកតម្លៃវប្បធម៌បុរាណខ្មែរប៉ុណ្ណោះ តាមរយៈការស្រាវជ្រាវរបស់ខ្លួន ។
១. ក្បាច់ផ្ដែរ